Urudandazwa rwa magendu ku nkengera za Tanganyika | Buja Express
Advertisement
Advertisement
Economy
Trending

Urudandazwa rwa magendu ku nkengera za Tanganyika

Ibitenge birenga 600 n’amakarato y’ibinyobwa njabukamazi vya magendo vyafashwe mu bucagucagu bw’uno wa mbere ku nkengera z’ikiyaga Tanganyika mu Burundi. Ivyo bidandazwa vyerekanywe ku mugaragaro n’umukomiseri mukuru w’ikigo OBR.

Umukuru w’ikigo OBR yatangarije abamenyeshamakuru ku muhingamo w’uno wa mbere ko ivyo bidandazwa vyafatiwe ku rugomero ruri muri karitiye kibenga ku nkengera y’ikiyaga Tanganyika. Komiseri mukuru wa OBR, Audace NIYONZIMA, akavuga ko aho ari ho vyari bisanzwe bishikanwa n’ubwato buvuye mu gihugu kibanyi ca Republika iharanira demokarasi ya kongo.

Uwo arongoye ikigo gitoza amakori n’amatagisi yabwiye abamenyeshamakuru ivyafatiwe ng’aho mu kibenga, ariko nyene ivyo bidandazwa vyo mu kinywabi akavuga ko batashoboye kumushirako amaboko.

Ikigo OBR gisigura kandi ko urudanzwa rwo mu kinywabi ku rubibe rwa Congo n’Uburundi vyibonekeza ko rwiharijwe n’ibitenge. Ico kigo cegeranya amakori n’amatagisi ku rwego rw’igihugu gitera akamo abatware n’abatwarwa gufasha kudomako urutoke urwo rudandazwa rwa magendo.

Aho ni mu gihe aberekanye ahacishwa urudandazwa rwo mu kinywabi bahabwa agashirukabute kangana na 10 kw’ijana y’amatagisi yategerezwa gutangishwa ivyo bidandazwa biba vyafashwe. Ivyo bidandazwa vyafariwe mu gisagara ca Bujumbura inyuma y’amasaha 36 hafashwe ibindi bidandazwa vyo mu kinywabi ku murwa mukuru w’intara ya Cibitoke.

Tags
Show More
Advertisement

Ciella Umutoni

Ciella is an author of Entertainment stories. She joined Buja Express in November 2019 and ever since published dozen of articles.

Related Articles

Leave a Reply

Your email address will not be published. Required fields are marked *

Back to top button
Close
Close

Adblock Detected

Please consider supporting us by disabling your ad blocker
Ufise ikibazo ? Twandikire