Intango Breaking News Urukiko ( Sentare ) rwa gisirikare rwarekuye Abanyarwanda barindwi

Urukiko ( Sentare ) rwa gisirikare rwarekuye Abanyarwanda barindwi

0
2.5
(2)

Urukiko rwa gisirikare rwa Makindye muri Uganda rwarekuye Abanyarwanda barindwi, kuri uyu wa 7 Mutarama 2020, iba imwe mu ntambwe nziza itewe ku mubano w’ibihugu umaze imyaka irenga ibiri utameze neza.

Iby’aya makuru byamenyekaniye ku kinyamakuru The New Vision cyavuze ko aba bose bafunzwe mu 2018, bakurikiranweho icyaha cyo gutunga intwaro mu buryo butemewe n’amatageko, mu gihe hari andi makuru avugwa ko nka René Rutagungira uri mu bafunguwe, yari amaze imyaka itatu afunzwe. Urukiko rwabarekuye nyuma yo gukurirwaho ikirego n’ubushinjacyaha.

Abandi batandatu bafunguranwe na Rutagungira ni Bahati Mugenga, Emmanuel Rwamucyo, Augustin Rutisiri, Etienne Nsanzabahizi, Charles Byaruhanga na Claude Iyakaremye.

Umunyamabanga wa leta muri Minisiteri y’Ububanyi n’Amahanga, Olivier Nduhungirehe, ubwo yagiranaga ikiganiro na televiziyo y’igihugu, yavuze ko ari intambwe nziza ko rukiko rwarekuye aba barindwi, gusa n’abandi bakwiye gufungurwa.

“Ni icyemezo cyiza cyafashwe ariko ntabwo bariya bantu barekuwe ari bo bonyine bahari kuko muri iyi myaka ibiri n’igice, hafi itatu ishize hari Abanyarwanda benshi bagiye bafatwa, bajya mu mabohero atazwi bagakorerwa iyicarubozo. Icyo twumvikanyeho mu masezerano anyuranye cyane cyane aya Luanda n’inama twagize ni uko aba bantu bose babarekura nta mananiza.”

Aba banyarwanda bafunguwe nyuma y’urwandiko Museveni yandikiye Perezida Kagame, yohereza intumwe yihariye Amb. Adonia Ayebare ngo abumugezeho. Byakurikiranye n’ubutumwa bwa Museveni bwavugaga ko Uganda izashyiraho uruhare rwayo kugira ngo ibihugu byongere bibane nk’inshuti n’abavandimwe.

Ubwo Perezida Kagame yari yakiriye Adonia Ayebare muri Village Urugwiro, Ibi biro by’Umukuru w’Igihugu bibicishije ku mbuga zabyo zavuze ko bagize inama nziza.

Mu byo u Rwanda rushinja Uganda harimo gufunga Abanyarwanda mu buryo butemewe n’amategeko (ngo barenga 100), kubafungira ahatazwi no kubakorera iyicarubozo, Uganda yisobanura ko ari intasi n’abandi bateza umutekano muke.

Ni kenshi Uganda yavuze ko idafunga irebeye ku bwenegihugu bw’abantu, na yo igashinja inzego z’umutekano mu Rwanda ko zirasira abaturage bayo ku mupaka, ndetse ko u Rwanda rwafunze imipaka ibahuze. Ibyo gufunga imipaka, u Rwanda ntirubyemera, ngo icyo rwakoze ni ukugira inama Abanyarwanda ntibajye muri Uganda bitewe n’umutekano wabo utizewe.

U Rwanda kandi rushinja Uganda gufasha imitwe irwanya ubutegetsi bwarwo igambiriye kuruhungabanyiriza umutekano, ko hari n’ibimenyetso ariko Uganda na byo yarabihakanye.

Ibi birego buri gihugu cyakomeje kubigahakana, rubura gica mu nama zahuje abagize komisiyo yashyizweho n’Amasezerano ya Luanda muri Angola yo ku wa 21 Kanama 2019. Inama imwe yabereye i Kigali tariki ya 16 Nzeri 2019, iya kabiri ibera i Kampala tariki ya 13 Ukuboza 2019.

Ino nkuru mubona imeze gute?

Fyonda akanyenyeri kugira utore!

28709

Nta numwe aratora! Ba wa mbere kugira ico uvuze kurino nkuru.

Kwamamaza

TANGA ICUYUMVIRO

Shiramo iciyumviro canyu
Shiramo izina ryanyu hano