Intango Breaking News Igiciro ca Visa ku banyagihugu b’ibihugu vya Commonwealth kigiye gukurwaho

Igiciro ca Visa ku banyagihugu b’ibihugu vya Commonwealth kigiye gukurwaho

0
5
(2)

Vyatangajwe na Perezida Paul Kagame w’u Rwanda uyu munsi kuwa kabiri aho yari mu ishuri rya King’s College London mu Bwongereza atanga ikiganiro. Mu mbwirwaruhame ye, yavuze ko u Rwanda rwagiye muri uyu muryango hagamijwe iterambere mu bufatanye n’ibindi bihugu.

Paul Kagame

Avuga kandi ko uwo muryango ibyo wubakiyeho bifite akamaro mu isi ya none.

Bwana Kagame yavuze ko 1/3 cy’ibihugu bya Afurika biri muri uyu muryango, ko kubera izo mpamvu u Rwanda narwo rwasabye kuwujyamo.

Ati: “Muri uwo mujyo, turi gutekereza kuvanaho kwishyuza Visa abaturage bo muri Commonwealth kimwe n’abo mu muryango w’ubumwe bwa Afurika na Francophonie, mu gihe bageze mu Rwanda”.

U Rwanda rusanzwe rutishyuza Visa abaturage b’ibihugu bigize umuryango wa Africa yunze ubumwe.

Ibihugu bitari ibya Africa bigize umuryango wa Commonwealth harimo; Canada, Ubuhinde, Australia, Pakistan, Jamaica, Malaysia, Singapore, Nouvelle Zelande n’ibindi birwa byinshi byakoronijwe n’Ubwongereza.

Muri ibi bihugu abaturage b’Ubuhinde bagize umubare munini w’abaza mu Rwanda ugereranyije n’ibindi.

Mu nama y’abakuru b’ibihugu bigize Commonwealth yo mu 2009 nibwo u Rwanda rwemewe nk’umunyamuryango w’ibi bihugu.

Mu kwezi kwa gatandatu u Rwanda ruzakira inama y’abakuru b’ibihugu bigize uyu muryango izwi nka CHOGM.

Bwana Kagame avuga ko nyuma y’ibihe bikomeye u Rwanda rwaciyemo uburyo bwari busigaye bwo gutera imbere nk’igihugu kidakora ku nyanja burimo “gufatanya n’akarere mu by’ubukungu”.

Umuryango wa Commonwealth ugizwe n’ibihugu 53 byose hamwe ababituye bangana na 1/3 cy’abatuye isi.

Ibihugu bigize uyu muryango bihujwe ahanini ku gukoresha icyongereza.

Bihurira kandi ku masezerano yo kugira ubutegetsi bwubahiriza demokarasi, uburenganzira bwa muntu n’igihugu kigendera ku mategeko.

Raporo zitandukanye z’imiryango mpuzamahanga zishyira mu myanya y’inyuma ubutegetsi bw’u Rwanda mu kubahiriza uburenganzira bwa muntu na demokarasi.

Raporo z’ubutegetsi bw’u Rwanda ziheruka zo zerekana ubu ibi byombi biri ku bipimo byiza (hejuru ya 80%) mu gihugu.

Nta masezerano y’ubucuruzi cyangwa ubuhahirane ariho agenga ibihugu bigize uyu muryango.

Ino nkuru mubona imeze gute?

Fyonda akanyenyeri kugira utore!

28709

Nta numwe aratora! Ba wa mbere kugira ico uvuze kurino nkuru.

Kwamamaza

TANGA ICUYUMVIRO

Shiramo iciyumviro canyu
Shiramo izina ryanyu hano